ජපානයෙන් නිවසක් මිලදී ගනිමු

ජපානයෙන් තමුන්ටම කියලා නිවසක් ගන්න සිහිනයක් තියෙන ඔබහට පූංචි අත්වැලක් වෙන්න ජපානයෙන් නිවසක් ලබා ගැනීමට උවමනා පියවර සිංහල භාෂාවෙන් සාරාංශ කිරමට Japanඅපි අදහස් කලේය.

1.ශ්‍රී ලාංකික අපිට ජපානයෙන් නිවසක් ගැනීමට හැකිද

මිලදී ගැනීමට හැක.

ජපන් රජය විසින් ශ්‍රී ලංකික අපිට විතරක් නොව ඕනෑම විදේශිකයෙකුට ජපන් ජාතිකයෙකු මෙන් ජපානය තුල නිවසක් හෝ දේපළක් මිලදී ගැනීමට අවස්ථාව ලබා දී ඇත.එහෙත් දේපළ සදහා අදාළ බදු මුදල් ජපන් ජාතිකයෙකු මෙන් ඔබටද ගෙවීමට අවශ්‍ය වනු ඇත.

2.විදේශිකයෙකු ජපානයෙන් නිවසක් මිලදී ගැනීමේ පිළිවෙළ

2.1 ඔබ මිලදී ගැනීමට අදහස් කරන නිවස සොයා ගැනීම

විදේශිකයෙකු ජපානයෙන් නිවසක් මිලදී ගැනීමේ ක්‍රමය ජපන් ජාතිකයන්ගේ නිවාසක් මිලදී ගැනීමේ ක්‍රමයට සමාන වෙයි. පළමුව තමුන් කැමති නිවසක් තීරණකර එම නිවාස විකුණන දේපළ වෙළදාම් සමාගමක් සමඟ ගිවිසුමක් අත්සන් කරන්න අවශ්‍ය වෙයි .එම ගිවිසුමේදී ඔබ මිලදී ගන්නා විට ඇති කොන්දේසි ගෙවීමට සිදුවන මුදල්, මුද්දර ගාස්තු ගැන සදහන් වෙයි.ගිවිසුමේ අන්තර් ගත වන සියලු දේ හොදින් තේරුම් ගෙන අත්සන් කිරීමට අවශ්‍ය වෙයි.

2.2 මුදල් ගෙවීම සහ බැංකු ණය පහසුකම්

විදේශිකයෙකු ජපානයෙන් නිවසක් බැංකු ණයක් මාර්ගයෙන් මිලදීගැනීමට අදහස් කරන්නේ නම් අනිවාරියෙන්ම ස්ථිර පදිංචිය(永住権) අත්‍යවශ්‍ය සුදුසුකමක් වෙයි.ඔබට ස්ථිර පදිංචිය(永住権)නොමැතිනම් සියලු මුදල් හෝ මුලුමුදලින් 80% ක ප්‍රමාණයක් ගෙවීමෙන් ඔබට අවශ්‍ය නිවස මිලදී ගැනීමට හැකියාවක් ඇත.ඊට අමතර වෙනත් ක්‍රම වේද ඇති වුවත් එම අවස්ථා ඉතා සුලබ බවත් පොළී ප්‍රතිශතය ඉතා වැඩි තත්වයක පවතී.

බැංකු ණය සදහා ඔබට ඉල්ලුම් කර හැකි බවත් එසේ කිරමට අසිරුනම් දේපළ වෙළදාම් සමාගම හරහා ද ඉල්ලුම් කර හැක.

2.3 අත්තිකාරම් මුදල සහ මුද්දර ගාස්තු

ඔබේ නිවස මිලදීගැනීමේ මුදල් ගෙවන මාර්ගය තීරණය කර සහ බැංකු ණය ලැබෙන බව බැංකුව විසින් සනාථ(仮審査) කර පසු, ඊළඟ පියවර වන්නේ විකුණුම් පෙර ගිවිසුක් අත්සන් කිරීමයි, නමුත් එම අවස්ථාවේදී දේපල වෙළඳාම් මිලෙන් කොටසක් අත්තිකාරම් තැන්පතුවක් ලෙස ගෙවීම අවශ්‍ය වේ.

ඊට අමතරව, නිවස මිලදීගැනීමේ තැරැව්කාර ගාස්තුවෙන් කොටසක් දේපල වෙළඳාම් නියෝජිතයාට ගෙවිය යුතු අතර, මුද්දරය ගාස්තුද ඇතුලත් විය යුතුය.

තැන්පතු කරන අත්තිකාරම් මුදල් ප්‍රමාණය දේපල වෙළඳාම් නියෝජිතයින් හා විකුණුම්කරුගේ ප්‍රමිතීන් අනුවට වෙනස් වන බැවින් කරුණාකර පරීක්ෂා කරන්න.සාමාන්‍යයෙන් තැරැව්කාර ගාස්තු ගෙවනු ලබන්නේ අත්තිකාරම්කො න්ත්‍රාත්තුවේ අවස්ථාවේදීය.ඉතිරිය දේපළ ඔබට පවරා දෙන අවස්ථාවේදිය.මුද්දර ගාස්තු ප්‍රමාණය දේපල වෙළඳාම් මිලදී ගැනීමේ මිල මත රඳා වෙනස් වෙනු ඇත.

ඊට අමතරව, ඔබ දේපළ වෙළඳාම් මිලදී ගැනීමෙන් පසු දේපල වෙළඳාම් ලියාපදිංචි කළ යුතු බැවින්, අධිකරණ පරීක්ෂකවරයාගේ(司法書士) ගාස්තුව, බැංකු ණය සදහා ඇප මුදල්, ගිනි රක්ෂණයක් යනාදිය සඳහා ඔබට අමතර ගාස්තුවක් අවශ්‍ය වේ. බොහෝ අවස්ථාවන්හීදී, එම සියලු මුදල් වල එකතුව දේපළ මිලදී ගැනීමේ මිලෙන් 10% ක් පමණ වනු ඇත.එම නිසා බැංකු ණය සදහා ඉල්ලුම් කිරීමේදී එම මුදල්ද ඇතුලත් වෙන විදියට ඔබට අවශ්‍ය ණය මුදල් ප්‍රමාණය සකසා ගන්න.

2.4 විකුණුම් ගිවිසුම අත්සන් කිරීම

දැන් ඔබ පැමිණ සිටින්නේ අවසාන විකුණුම් ගිවිසුම දක්වාය.එයට අත්සන් කිරීමට පෙර, දේපල වෙළඳාම් නියෝජිතයා විසින් නිවස මිලදී ගැනීම සම්බන්දයෙන් ඔබට වැදගත් කරුණු පිළිබද පැහැදිලි කිරීමක් ලබා දෙනු ඇත.

ඔබට පැහැදිලි කරන ලිපිකියවිලි මගින් නිවසේ අයිතිවාසිකම්, නෛතික සීමාවන් මුදල් ගෙවිය යුතු ප්‍රමාණය යනාදිය සහ ගෙවිය යුතු ආකාරය විස්තර කරනු ලැබේ. තවද ගිවිසුම අවලංගු වුවහොත් ඔබට සහ දේපල වෙළඳාම් නියෝජිතයා විසින් ගෙවන වන්දි මුදල් ගැන විස්තර කරයි. අන්තර්ගතය හොදින් සහ ප්‍රවේශමෙන් පරීක්ෂා කරන්න.

විකුණුම් ගිවිසුම මගින් නිවස සහ දේපල අයිතිය විකිණුම්කරුගෙන් ගැනුම්කරු වෙත පැවරීම සඳහා වන නිල ගිවිසුමක් බැවින්, විවිධ ලියකියවිලි අවශ්‍ය වනු ඇත, එබැවින් අඩුපාඩු නොමැති පරිදි එය සකස් කිරීමට වග බලා ගන්න.

 අවශ්‍ය ලියකියවිලි

• ලියාපදිංචි මුද්‍රාව (実印)
• මුද්‍රා සහතිකය（印鑑証明書）
• ලිපිනය තහවුරු කළ හැකි ලේඛන（住民表）
• විදේශ ගමන් බලපත්‍රය（パスポート）

ජපානයේ ගිවිසුම වගේ නෛතික ලියකියවිලි වලට ඔබගේ මුද්‍රාවක් අවශ්‍ය වේ. 

ඔබ ජපානයේ ජීවත් නොවන්නේ නම්, ඔබේ ලියාපදිංචි මුද්‍රාව ලියාපදිංචි කිරීමට හෝ මුද්‍රා සහතිකයක් ලබා ගැනීමට ඔබට නොහැකි වනු ඇත, නමුත් විකල්ප ලේඛනයක් ලෙස, ඔබට ජපාන තානාපති කාර්යාලය විසින් නිර්මාණය කරන ලද “දිවුරුම් ප්‍රකාශය” සහ “අත්සන් සහතිකය” භාවිතා කළ හැකිය. ඇත. සමහර රටවලට තානාපති කාර්යාලයේදී එය නිර්මාණය කිරීමට නොහැකි විය හැකි බැවින් කල්තියා පරීක්ෂා කිරීමට වග බලා ගන්න.

2.5 නිවස භාරදීම

විකුණුම් ගිවිසුම සම්පූර්ණ කර සහ සියළු මුදල් ගෙවීම අවසන් වූ පසු, ඔබගේ සිහිනයක් වූ නිවාස ඔබට භාර ගැනීමට හැකිවනු ඇත.

නිවස භාර දෙන විට නිවස සහ දේපළ වල අයිතිය ඔබට පැවරිය යුතු බැවින්, නීති කටයුතු කාර්යාංශය විසින් හිමිකාරිත්වය ඔබට පැවරීම සදහා පැවරීම ලියාපදිංචි කරනු ඇත. මෙම ක්‍රියා පටිපාටිය සාමාන්‍යයෙන් සිදු කරනු ලබන්නේ අධිකරණ පරීක්ෂකයෙකු විසින් බව අතර එය සදහා ඔබ මුදල් ගෙවා (2.4 අවස්ථාවේදී) ඇති නිසා අමතර ගාස්තුවක් ගෙවීමට අවශ්‍යය නොමැත.

3.ජපන් දේපල ලබා ගැනීමේදී ගෙවීමට සිදු වන බදු

ජපානයේ ඔබ සතු දේපල සඳහා බදු අය කෙරේ.

■දේපළ අත්පත් කර ගැනීමේ බද්ද

දේපළ වෙළඳාම් මිලදී ගැනීමේ මිල අනුව බදු අය කෙරේ. 

■ලියාපදිංචි බලපත්‍ර බද්ද

එය දේපළ වෙළඳාම් ලියාපදිංචි කිරීමේදී අය කරන බද්දකි. 

4. සෑම වසරකම ගෙවිය යුතු බදු

■දේපළ බද්ද

එය සෑම වසරකම ජනවාරි 1 වනදා දේපළ හිමිකරුට අය කරනු ලබන බද්දකි. 

■ආදායම් බදු

ඔබ ආයෝජනය සඳහා දේපල මිලදී ගන්නේ නම්, ඔබේ ආදායම මත ආදායම් බදු අය කෙරේ. සෑම වසරකම බදු වාර්තා අවසන් කිරීමෙන් සහ අවශ්‍ය වියදම් අඩු කිරීමෙන් පසු ආදායම් බදු ප්‍රමාණය තීරණය වේ.

5. බදු ගෙවීමේ ක්‍රමය

ඉහත හඳුන්වා දී ඇති බද්ද ඔබට ගෙවීම් පත්‍රිකාවක් සමඟ ඔබේ නිවසට ලබා දෙනු ඇත.

ඔබගේ ගෙවීම් පත්‍රිකාවේ සඳහන් කාලසීමාව අනුව බැංකුවකට, තැපැල් කාර්යාලයකට, වෙළඳසැලකට ගෙවිය හැකිය.

6.මේ ගැන සැලකිලිමත් වෙමු

Japanඅපි මෙතෙක් වෙලා විදේශිකයෙකු ජපානෙන් නිවසක් හො දේපලක් මිලදී ගන්නේ නම් කුමන ආකාරයේ ක්‍රියාවලියක් ඇත්දැයි පැහැදිලි කිරීමට උත්සහයක් ගත්තෙමි.මූලික වශයෙන්, ගෙවීමේ ක්‍රමය හැරුණු විට, එය ජපන් ජාතිකයන් මිලදී ගැනීමේදීද සමාන වේ.

ඊට අමතරව, විදේශිකයෙකු ජපන් දේපල වෙළඳාම් මිලදී ගන්නා විට, හොද තත්වයේ නැති දේපල හෝ නිවසක් මිලදී ගැනීමෙන් හෝ අසාධාරණ ලෙස මුදල් ගෙවීමෙන් කරදරයට පත්වීම පහසුය, එබැවින් විශ්වාස කළ හැකි දේපල වෙළඳාම් නියෝජිතයෙකු තෝරා ගැනීම වඩාත් ඉතාමත් වැදගත්ය.තවද එවැනි කරදර වළක්වා ගැනීම සඳහා ජපන් පුද්ගලයෙකුගේ හෝ ජපානයට හුරුපුරුදු කෙනෙකුගේ සහයෝගය ලබා ගැනීම ගැන සලකා බලන්න.

තවද ජපානයේ ඔබ විසින් දේපළ මිලදී ගැනු ලැබුවත් ඔබට ස්ථිර පදිංචි වීසා ලබා නොදෙන බව හොදින් මතක තබා ගන්න.

 1,285 total views,  3 views today